Un modelo distinto ao que acostumos ver no resto do mundo.

É un pracer e un privilexio para nós, como responsábeis institucionais ou académicos da EMMeD de Ribadeo, e para o propio centro contar con persoas coma ti entre as nosas alumnas e alumnos. O teu esforzo, a adicación constante ao saxo pero sobre todo as túas cualidades e talento, á marxe de toda dúbida, farán que chegues aló onde ti queiras no mundo da música.

Ogallá continúes gozando da música porque é así, disfrutando mentres van pasando os compases, como se pode facer fronte aos retos que as partituras nos poñen por diante.

Naquelo que precises gustaríanos que soubeses que tes o noso apoio.

Recibe unha forte aperta e, de novo, parabéns.

•    Exames de linguaxe musical – do 6 ao 9 de febreiro.

•    Exames de instrumento – do 13 ao 18 de febreiro.

•    Exames de ballet/danza – 18 de febreiro.

•    Actuación da charanga no desfile de Entroido – 21 de febreiro ás 17.00 h.

 DÍAS NON LECTIVOS

•    Entroido – do 20 ao 22 de febreiro (ambos inclusive).

•    San Xosé – 19 de marzo.

•    Vacacións de Semana Santa – do 1 ao 9 de abril (ambos inclusive).

Aquí tedes a ligaón: http://www.crtvg.es/tvg/a-carta/a-solaina-06-01-2012

Deste xeito, a compañía Viravolta presentará a obra “O poliño feo” o domingo 22 de xaneiro, un espectáculo de luz negra protagonizado por monicreques e con música en directo. Dirixida a nenos de máis de tres anos, as entradas para as dúas sesións desta obra xa poden adquirirse en www.servinova.com a un prezo de tres euros máis gastos de xestión. Pequeclassics continuará o domingo 12 de febreiro con “Ensalada de instrumentos”, un percorrido pola historia da música e as diferentes familias de instrumentos da man de Os Tres Tenedores, un grupo de musicólogos e docentes con ampla experiencia, que introducirán aos nenos na arte de tocar e diferenciar os sons.

Máis info

“Cada ano aventurámonos en novas propostas manténdonos fieis a tres piares: tentamos facer boa música, que as alumnas e alumnos que participen no festival disfruten e aprendan enriba do escenario e que a xente que se achega ao auditorio o pase o mellor posíbel”, sinala Hugo García, director da EMMeD de Ribadeo. O claustro de profesoras e profesores do centro pide “a maior participación posíbel da xente para facer deste adianto do remate de 2011 unha verdadeira festa de fin de ano traendo uvas, uns figos, pasas ou o que vexan para acompañar as doce badaladas que non faltarán no auditorio municipal e para entrar co mellor dos pés posíbeis no Nadal e máis no ano vindeiro”.

O festival de Nadal é unha das actividades tradicionais da programación cultural destas datas na localidade en nel interveñen boa parte das trescentas alumnas e alumnos da EMMeD en diferentes agrupacións (música tradicional, percusión, vento-metal, guitarras, pianos, danza, música e movemento, entre outros).

O parque de San Francisco acolle entre os días 3 e 8 de decembro o Mercado de Nadal que organiza o Concello de Ribadeo. No marco das actividades complementarias que se van realizar atópanse, como vén sendo tradicional nos últimos anos, diferentes actuacións do alumnado da Escola Municipal de Música e Danza (EMMeD) de Ribadeo.

Quen primeiro vai pasar polo escenario do Mercado de Nadal serán as alumnas e alumnos de danza e ballet baixo a dirección da profesora María Justo. Será o sábado, 3 de decembro ás 19.30 horas. E o luns, 5 de decembro, ás 20.00 horas serán unha serie de agrupacións da Escola (trompetas, violíns, frautas…) as que poñan a banda sonora a un mercado de nadal no que participan máis de 30 artesáns tanto de Galicia coma do occidente de Asturias.

A este concerto didáctico que terá lugar no Auditorio Muncipal Hernán Naval ás 12.00 horas, asistirán nenos e nenas dos centros educativos da vila. Un total de 235 alumnos/as participarán do conce

Así mesmo, ás 20.30 horas repetirase este concerto para o público en xeral.

Como material complementario do concerto editouse unha guía. A guía componse  de varios apartados. Unha introdución na que se poñen de manifesto as causas da invisibilidade das mulleres na música, as fichas das autoras das obras que van ser interpretadas no concerto didáctico e un repaso a modo de resumo  polas diferentes etapas da historia da música, exemplificando con algún nomes femininos; prestando especial atención ás músicas galegas. No  cuarto apartado, hai unha serie de exercicios para traballar. E por último, inclúese  unha breve reseña de recursos onde se poden encontrar cousas relacionadas co tema, un glosario de termos básicos dirixido ao persoal docente e educadores/as  e a bibliografía utilizada.

Con En clave de muller, queremos incitar á reflexión, ó debate, á investigación e a posta en práctica de iniciativas coeducativas.

Esta actividade foi seleccionada, canda outros 12 proxectos, para participar nun panel de boas prácticas en materia de igualdade. A mostra estará presente en diferentes localidades de Castela-A Mancha e máis de Portugal.

Saíron do prelo 1.000 exemplares que serán distribuídos, alén daquelas persoas que o pidan, ás bibliotecas de conservatorios, escolas de música, bandas de música e universidades así como aos centros de ensino da localidade.

A asociación cultural Musiqueando amósase “moi satisfeita” polo resultado final acadado e disponse “a seguir traballando arreo para continuar coa recuperación da obra escrita e musical de Hernán Naval”. A edición deste libro ten como obxectivo “reivindicar a vixencia do pensamento e máis do xeito de traballar de Hernán así como a súa concepción do ensino musical ou da política cultural”.

Vou canso de todo menos da música. Escolma de artigos de Hernán Naval foi froito do traballo desinteresado dun grupo de persoas (Chenchu, Marigel, Antonio Gregorio, Aurora, Coté, Hugo, Vanesa, Luís, Xavier Campos, Teresa, Mariluz, e Fuji) a quen a asociación cultural Musiqueando quere reiterar “o máis sincero agradecemento”.

O vindeiro xoves 24 de novembro, a asociación Mariña Patrimonio organiza unha presentación do libro en Viveiro, localidade natal de Hernán Naval.

No libro, editado co gallo do décimo aniversario do pasamento do que fora director da Banda Municipal de Ribadeo (BMR) e máis da Escola Municipal de Música e Danza (EMMeD) da vila, recóllense once artigos publicados en prensa e revistas e máis catro programas de man de diferentes concertos da BMR.

O acto está aberto ao público e no mesmo entregarase ás persoas asistentes un exemplar dun libro no que se pretende render homenaxe á figura e ao pensamento de Hernán Naval, fundador e director da EMMeD de Ribadeo e director da BMR até o seu pasamento en 2001.